Jer 31 | TVK | STEP |

Jeremiah 31

3 Tetiamu, Iahova testal mi xir e tehit,

“Inou, ieok bei xamim del eheien tei xa hoxalite teni tovuol.
Nggo hosien xa napisen ni mi xamim, nalihi xamim mumei visal nou.

31 “Inou, Iahova, nabiteni xa melengien tei di bemei
xa inou nipol ni hitxatien hu tei xa nggeih itel mol-Isrel xil e mol-Sudah xil.
32 Hitxatien hu ak naxoni hitxatien matu ti
xa natepol ni tetel avu nae xil tetiamu
e melele xa nateteli e he xil
e natel xil latehe reling kantri tahal Isip.
Inou natelaxat kuh xil texoni tiramue tei xa milaxat kuh atou nan.
E neta sav xa temak, xil latehur xoteh hitxatien xa latepol ni tetel nou.
33 Hitxatien hu xa nipol ni itel mol-Isrel xil imak:
Inou, Iahova, niling rae navan iti e nenemien nae,
e nitis xati iti e tine xil.
Inou nihe Hi nae,
e xil lihe moletin navan xil.
34 Ti xil mun napispisi mi tunali tengan vakil Iahova
vengan xa xil vus likil nou ngamu,
ngan xil xa latereli, ha ituxoh ngan xil xa latellep.
Reitin, xil likil nou vengan xa ninaketeh nasa ti mun mi xil
ve holesok nae xil xa tamal ti xa latepol ni.
Io, ninanem ti mun usil tesaen xil
xa teha xat xil.
Inou, Iahova iaxa di nasepin xiak.”